1 commento

  1. Zente cara
    bos happo a narrere chi mi cummoede custa ostra “intrada”: SA DIE DE SA SARDIGNA ( Festa de su Populu Sardu ).
    e mi cummoede e m’abbàttidi ancora ‘e pius pro chi a “ponnere in festa” custa die siene subratottu sos frades mios DISTERRADOS.
    Disterrados chi atzis a esse’ sempre ‘e pius bidu chi a cantu paret in su ‘enidore custu “populu” ‘e custa “tratta” ( orma di sandalo Sardegna ) ada a sighire a lassare sa terra sua a trumas, tantu de reduìre nois matessi a sa midade in s’alcu ‘e 30 annos.
    Mi cummoede, m’abbattidi e m’est raiolu in coro ischire e biere chi “custa terra meravitzosa” sempre ‘e pius bestit sos pannos de sa “BATTIA” de sa “zente” sua.
    In seculos, chi haiamus pottidu ponnere a fruttu custu SIDDADU tantu de lu rendere in die de oe sa CALIFORNIA de s,Europa, l’amus lassados a contu ‘e sos BARONES tirannos de su populu insoro; oe comente eris. Tantu “bardaneris” pro sas busciaccaras insoro, cantu privos de chelveddu pro ponnere a pare politigas de sanu impreu pro totta sa zente SARDA.
    Iscusade s’isfogu

    Un caru abbratzu de Frade
    Gigi Angeli

    N.B. Bos allego una poesia mia a su rigualdu “S’asseremus Istados Sos Sardos chi no Semus”

    =========================

    S’asséremus

    S’asséremus istados
    sos sardos chi no semus …

    nos fìmus apprettados
    tra novas chirriende … 
    pro esser’informados
    de su ch’est sutzedende
    in s’istare penende
    arrèssos e trampados …

    sos sardos chi no’ semus
    s’asseremus istados ! …

    aimus bid’ umpare,
    indarghende sa “terra”,
    su chi podet fruttare
    pro nd’ haer’una perra
    de bonu, pro campare
    comente disitzemus;

    s’asseremus istados
    sos sardos chi no’ semus ! …

    in s’abbòiu mannu
    aìmus aggaladu
    s’uniòne chenz’ingannu,
    tra frades de ighinadu;
    boghèndeche su dannu
    d’esser’isparguddados;

    sos sardos chi no semus
    s’asseremus istados ! …

    A cuddos “prinzipales”
    ch’aìmus inciuccadu
    chi semus tottu gales;
    ca nos hat istraccadu
    sa ‘jabba ‘e sos ghjuales
    pro chi nos abbascemus,

    s’asseremus istados
    sos sardos chi no’ semus ! …

    Sorte noa benigna
    aìmus isfruttadu
    in s’esse’ sa Sardigna
    unu logu istimadu;
    no’ pius “mala e indigna “…
    ma chelu de ispantados

    … sos sardos chi no’ semus
    s’asserermus istados ! ….
    Zente de donzi edade
    aìat cantadu unida
    su “gosu” ‘e libertade,
    de pelea cumprida
    pro Sarda sotzièdade …
    comente la bramémus !…

    S’assrémus istados
    sos sardos chi no’ semus ! …

    e de paghe una “Terra”
    aìmus post’a pare:
    a s’istranzu sa perra
    pro nde pode’ “gosare”;
    ma chenza cuntierra
    NOIS … BEN’AGATTADOS ! …

    Libbaros e padronos
    comente mai istados ! …

    gigi angeli

    novembre 2003

    1° Premio Atzara – 2010

    =================================

    Traduzione (S’asséremus)

    Se fossimo stati
    i Sardi che non siamo

    ci saremmo attivati
    scegliendo tra novità
    per essere informati
    sui motivi reali
    del ridurci a penare
    senza lavoro e gabbati.

    I Sardi che non siamo
    se lo fossimo stati!

    Avremmo visto insieme
    analizzando la nostra terra
    quali frutti può dare
    per avere tutti una giusta parte
    di agiatezza, per vivere
    assecondando i desideri;

    Se fossimo…

    In un grande incontro
    avremmo definito
    l’unione, senza inganni,
    tra fratelli di vicinato;
    scacciando il danno atavico
    dell’essere divisi;

    I sardi …

    A quei “prinzipales”
    avremmo ficcato in testa
    che siamo tutti uguali;
    e che ci sian stancati
    la minaccia eterna del giogo
    per costringerci a prostrarci;

    Se fossimo …

    Il nuovo propizio destino
    avremmo oggi sfruttato,
    visto che la Sardegna
    è un luogo tanto ambito;
    non più “cattiva ed indegna”
    ma paradiso di stupore;

    i sardi …

    Gente di tutte le età
    avrebbe intonato insieme
    il “canto” di libertà
    da costrizioni finite
    per questa Sarda società…
    così come sognata ! …

    Se fossimo …

    Ed una terra di pace
    avremmo costruito:
    all’ospite la sua parte
    per esser ben servito
    ma senza dissidio alcuno
    NOI … SEMPRE I BEN RITROVATI ! …

    Liberi e padroni
    così come mai stati ! …

Lascia un commento

Il tuo indirizzo email non sarà pubblicato.

Questo sito usa Akismet per ridurre lo spam. Scopri come i tuoi dati vengono elaborati.