Su Nuraghe

Martedì 28 giugno, ore 21, incontro con sa Limba, la lingua sarda – Il Circolo Su Nuraghe dedica ogni ultimo martedì del mese alla lingua sarda – ascoltare e parlare nella ricchezza delle varianti locali – coordina Piero Pinna

Su presidenti pigat su fueddu po infromai is sotziu presentis de una manifestazioni chi s’hat a tenni su 15 de lampadas a Roma ananti de su Palatziu de su Guvernu po si chesciai de is traspotus chi apatigant su deretu de is sardus di essiri tot’a una cun Terramanna e chi primant is sardus tochendiddis sa busciaca, bocendi su turismu e fendi, aici, dannu a totu sa Sardinnia.
S’abbogu est aprontau de sa FASI. Su Circulu nostru tenid a dispositzioni 15 postus e seus aunius cun is Circulus de Gattinara, Vercelli e Ivrea. Chini bolit partitzipai fueddit cun Pieru o Melinda.
Gianni Lai si fait isciri chi custa cida hant’arribai a Candelo sa scuadra ‘e palloni de is piciocheddus de Sarrok. S’hat a donai novas prus pretzisas de manera chi si potzat fai unu piticu arricimentu. Biagiu donat sa nova de unu sardu anzianu chi est in su ricoveru solu e abendonau. S’hat a infromai beni preguntendi a s’amigu chi si dd’hat donada su nomini e innui s’agatat de manera chi calincunu ddu potzat abisitai e donai allebiu e cufortu.
Biagiu ‘e totu si chistionat de is sangunaus sardus e totu is presentis s’aciungint cun preguntas, aciuntas e chistionis. Anna pregontat cumenti est chi funti nascius is allomingius e Biagiu fait unu piticu resumu de s’argumentu a pitzus de su cali s’est chistionau in s’atobiu de su mesi passau. Battista chistionat de is assimbillantzas chi currint intre is Sardus e i Bascus non solu in sa lingua ma puru in su DNA.
S’arrejonu sighit bessendi foras de is treminis cun medas argumentus de parti de is presentis, fintzas a s’ora de serrai.Continua a leggere →

In Sardigna is sangunaus ddus podeus pretziri in Sardus sardus, Sardus cun su tempus itallianizaus, itallianus furriaus in sardu, itallianus itallianus, ispanniolus, de nascida ebraica. Bieus calincunu esempiu.
Sardus sardus: Cherchi, Dettori, Tanchis, Urgeghe e acciungeus cussus chi benint de su latinu: Bassu, Bonu, Campus.
Sardus itallianizadus: Mutzu = Muzzo, Scanu = Scano, Ziranu = Zirano; cun s’arribu de is piemontesus mesas sangunaus funt stetius, burocratigamenti italianizaus, a is bortas candu si tirat sa leva opuru candu si eniat pigaus a unu postu prubbicu; non mancanta perou sardus chi pentzant essiri sinnali de distintzioni o chi pentzant di essiri prus italianus italianizendi su sangunau insoru.
Atrus funti stetius tramudaus po ignorantzia de sa lingua sarda. In famillia teneus unu esempiu chi dda narat longa.: candu aiaiu miu, de part’ ‘e mamai est andau a fai sa dennuntzia de nascimentu de is fillus, a sa domanda:- Comenti ti naras? Arrespundiat Maxia ma s’ Offitziali de s’istadu tzivili, essendi ignoranti de sa lingua sarda iscrieda Mascia. Unu de is fillus, oficiali de is Carabineris, istracu de biri e de intendi su sangunau su istrupiau, hat fatu causa in tribunali et hat otentu sa sentetzia po essiri torrau su sangunau su a su connotu e aici, oi in campusantu nci funt quatru fradis chi si tzerriant Mascia e unu Maxia.
Itallianus furriaus in sardu; funti de furisteris: cummertziantis, impreaus, sordaus benìus de terra manna e coiaus cun piciocas sardas e innoi abarraus: Peruzzo = Perutzu, Musso = Mussu, Cesaraccio = Cesaracciu.
Itallianus itallianus: anat’ ‘e totus is ligurus chi anti incumentzau giai de s’annu milli a benni in Sardinnia, apoi is pisanus. De is sangunaus itallianus tenint parti manna cussus piemontesus. Candu su Piemonti s’est furriau in Regnu Sardu, cumenti totus is colonizadoris, sa Sardinnia fudi invadia de unu fiotu de impreaus piemontesus po incarrerai, abellu abellu ma a sa sighida, sa piemontesisatzioni de su logu.Continua a leggere →