Su Nuraghe

Atobiu de su 23 de friaxu 2011 – Sa Sardinia sene pastoris sene turismu totu a dispositzioni po servituri militari italiana e internatzionali, cali logu prus bellu po di fai na scantu centralisi nuclearis e, non si sciri mai, po stuggiai is scorias in is minieras beccias abbandonaras.

Eusu cumentzau chistionendi de sa partira de pallacanestru (bòcia in canistu) chi sa squadra de Tatari ari giogau inoi in Biella e bintu ,cun prexu nostu mannu mera. Seusu andaus prus de centu cun i bandelas sardas a fai tifu, nosu de su Circulu “Su Nuraghe” si seus postus impari a is tifosus arribaus de Tatari po incoraggiai sa squadra sarda.
Cambiaus arrexioni e discuteus de su movimentu de is pastoris sardus chi funti andaus a Roma a si chesciai de su pretziu de su lati si du paganta troppu pagu e non ci da fainti prusu a andai ainnantis, impresas meras nanca funti serrendi, poita cun su chi di si onanta no paganta mancu i s’ispesas e funti acarrexaras de depiru. Du s’anti trataus peus de is clandestinus, e is politicus sardus citius.
Sa chescia prus manna deus fatta po acomenti anti aumentau tontesamenti is pretzius de i billetus po andai e torrai de sa Sardinia, si sighinti aici, mancai siausu in Italia, feusu sa fini de is chi funti emigraus in Australia e in America ca, si non funti diventaus arriccus, no torranta prusu poita costara tropu su viagiu. Su chi spantara a nosu emigraus est ca i sardus residentis no si chescianta po nuda, pensanta ca no dusu ariguardara, su fatu ca funti pagus is famiglias chi no teninti a su mancu unu parenti emigrau pariri chi non bastiri a movi sa chescia. De chini guvernara, presente e pasato e cun pagu sperantza fintzas po is tempus chi anta sighiri, melus a no fai tropu cunfiantza; candu anti sartau su mari po pregontai diritus po sa Sardinia, cun su rei o cun is presidentis, sempri cun su capeddu in manus e a conca bascia.Continua a leggere →

Candu est nasciu babbu miu, in su 1902, Pauli, sa bidda mia, contat, prus o mancu 6.000 pressonas e in cussu annu fint nascius 108 maschixeddus e 119 femineddas. Sa bidda non fiat manna e cresciat pagu. Su tzensimentu de su 1848 iat contau 2.484 pressonas e cussu de s’annu prima, su 1901 ndiat contau 5.700. Sa possidentzia fiat in is manus de pagu prus de 1.000 famillias ma su noranta po centu de sa genti biviat de agricoltura e ci fiant possidentzias mannas chi donanta de bivi a genti meda e possidentzias piticas chi, casi sempri, donanta de bivi sceti a is proprietarius poita, in bidda, non s’est mai connotu de lassai sa sienda tot’a unu. Candu arribat su momentu de pretziri, donnia fillu bolìat s’arrogu’e sa domu, un’arrogu ‘e donnia bingia e donnia terra. Nisciunu boliat arrennuntziai a una prutzioni chi ddi premitessit de traballai in su suu. Mancai ddi tochessit unu juali sceti, nisciunu boliat lassai a is atrus sa bingia bona e si pigai sa mala e po cussu, immoi, sa possidentzia est pagu e istramancada. A pagu a pagu su traballu in su sartu non bastàt prusu a pesai sa famillia e medas paulesus ant incumentzau a non traballai prus in su sartu e si funt acunnotaus a fai atrus traballus.
A prima ci fiant sceti proprietarius mannus e piticus. Is mannus teniant serbidoris e pigànt po giorronnaderis is proprietarieddus chi possidìant pagu cosa e fiant obrigaus, po si bivi, de agiudai s’arregorta, andendi a giorronnada. Su traballu non mancàt e, totu s’annu, sa giorronnada fiat sigura. Candu poi, non ci fiat cos’ ‘e fai in su sartu, ci fiat sempri sa salina chi donàt de traballai…Continua a leggere →